العمر ضاع
من ديوان / بيحسدوك على إيه
للشاعر. / مصطفى فريد
إشتريتك وأنتى بعتى
طب قوليلى ليه رجعتى
تحنى تانى لذكرياتى
مشتاقه لسه لطبع غيرتى
فى كل مينا ٠٠
تسألى الايام علينا
اتطمنى
حلمنا فى رجوعنا ضاع
سنين طويلة اتسربت
من بين إيدينا
اتحكمت فينا الليالى
وسهرت دمعة عنينا
والقلوب الطيبه
فى الغربة بدرت نبضها
فوق ألف مينا
غيرت فينا المشاعر
وبغبائنا إحنا ابتدينا
نعلم الإحساس يموت
والبيوت تفضل حزينه
مشتاقه لو لحظة رجوع
من غير دموع
تجرح عنينا
وبين عنادنا وذكرياته
إلتقينا العمر عدى
فاتنا للأحزان رهينه
نشكى من ألم المواجع
عاش ليلاتى القلب دامع
دمع غالى ما حد سامع
دقات آهاته
فى ليل سكاته
الماضى باعنا
سقانا من كاسة وجعنا
وبكرة رافض يشترينا
خسرنا أجمل حاجة فينا
الود والحب ٠
والعشرة القديمة
***********************
***********************
ليست هناك تعليقات:
إرسال تعليق