بيت جدنا !
بيت جدنا البيت الكبير ..... بنروح هناك نفرح كتير !
يستقبلــــونا بالــمحبة ..... ناكل هناك نشرب عصير
وجدو محفظته القديمة ..... عَطانا مصروفنا نطير
نلقى هناك ولاد عمامنا ..... وتيتة تطلع بالفطير
فى نهاية الأسبوع نشوفهم ..... جدو بينهم كالأمير
اللى فى التلاجة يفتح ..... واللى يلعب ع السرير
عمتو تحكى وتشكى ..... ليه سابت جوزها بشير
بعد شاى حلبة وتسالى ..... واللى كب الشاى سهير
تيتة حاشت عنها أبوها ..... وجدو طالع للطيور
مــــرت الأيـــام دهيــه ..... وجدو راح سكن القبور
تيتة من بعده حزينة ! ..... حصَّلت جدو ف شهور
والخلاف دبّ فى عيلتنا ..... دهب يحقد ... ده يغير !
راحت البركة ف حياتنا ..... واللى راح خد منا نور
مرة قلت نروح لعمى ..... بابا قال اخرس وغور !
من ساعتها قدرت أعرف ..... ليه وطنَّا بقى الأخير !
حسن رمضان ـ كبير باحثين بالوعظ بالأزهر الشريف
22/10/2018
بيت جدنا البيت الكبير ..... بنروح هناك نفرح كتير !
يستقبلــــونا بالــمحبة ..... ناكل هناك نشرب عصير
وجدو محفظته القديمة ..... عَطانا مصروفنا نطير
نلقى هناك ولاد عمامنا ..... وتيتة تطلع بالفطير
فى نهاية الأسبوع نشوفهم ..... جدو بينهم كالأمير
اللى فى التلاجة يفتح ..... واللى يلعب ع السرير
عمتو تحكى وتشكى ..... ليه سابت جوزها بشير
بعد شاى حلبة وتسالى ..... واللى كب الشاى سهير
تيتة حاشت عنها أبوها ..... وجدو طالع للطيور
مــــرت الأيـــام دهيــه ..... وجدو راح سكن القبور
تيتة من بعده حزينة ! ..... حصَّلت جدو ف شهور
والخلاف دبّ فى عيلتنا ..... دهب يحقد ... ده يغير !
راحت البركة ف حياتنا ..... واللى راح خد منا نور
مرة قلت نروح لعمى ..... بابا قال اخرس وغور !
من ساعتها قدرت أعرف ..... ليه وطنَّا بقى الأخير !
حسن رمضان ـ كبير باحثين بالوعظ بالأزهر الشريف
22/10/2018
***********************
***********************
ليست هناك تعليقات:
إرسال تعليق