هتسيبني وتروح فين ,,,,,بقلم الشاعر أسامة جديانة

هَتسيبنى وتروح فين
ياألم بين الضلوع
ليه قلبى لما حَب
صَار م الألم موجُوع
لا فيه دم بينزف
ولا عَضم فيه مَخلُوع
لا طبيب عارف يشخص
الألم من أى نوع
سَهَر عيونى الألم
والشوق بقىَ موضوع
شايف حبيبى بقلبى
وقلبى مش قَنوع
عايزه تملى جنبى
والحُب ما فىه خُشوع
ليه السَهر ياقلبى
وأنت م الألم موجوع
خليك ياألم معايا
يمكن تكون رَحيم
وأحن من دوايا
فراق الأحبه أليم
سألت أهل الغرام
ف الحب قلب سليم
قالوا أهل الغرام
ياما ف الغرام مظاليم
                          ( أسامه جديانه)

***********************

***********************