ماشى ف طريق بقلم الأديب أسامه جديانه

ماشى ف طريق حسيت بشئ
خطف قلبى ومهجتى
شُفت الجمال ف وشها
والورد ساكن خدها
قلت الله على حسنها
خليتنى غيرت الطريق
قلت م فيش زيها
خطاويها سبقت حبتين
لفت ومشيت عاليمين
شكلها حست أنى قلبى حبها
بدأت تبص نحيتى
شافتنى لمحت بسمتى
هديت انا من خطوتى
م أقدرش اغير سكتى
غير لما أقابل اهلها
هدت خطاويها
حسيت أنا بيها
قلت أكلمها
من نظرة عنيها
هعرف مشاعرها
سبقتنى بالسؤال
أنت يازين الرجال
لو طالب الحلال
أنا قلبى لك ميال
روح لبيت الخال
على إيدك الشمال
قوله طالب دلال
وأنا قلبى ليها مال
واما هيسألنى
الي تشوفه ياخال
وفوقت أنا ف الحال
ولقيتنى ف الفجريه
صاحى لابس جلابيه
بتصحينى الوليه
قوم لبس العيال
يلحقوا مدارسهم
كان حلم عال العال
أيه رأيك فيه ياخال
                              ( أسامه جديانه)

***********************

***********************