الآه// بقلم الأديب أسامه جديانه

مش كل من قال آه
بيتألم
ولا كل من كتم الوجع
بيستسلم
يمكن يقول الآه
ومش حاسس بالوجع
بيقول كلمه وتعدى
يمكن بيتصنع
أو فيه شدة ضغوط
من قلبه بيطلع
لكن اللى كتم الوجع
لوحده يتوجع
لا يشيل حد همه
ولو حس بصرع
أو الوجع جى من صديق
وهو فيه أنخدع
أو جيه من قريب
كان معاه بيرضع
مش قادر عليه يلوم
مهما صابو م الوجع
دفن ألمه جوه نبضه
لكن م ظهرش الوجع
واللى يشوفه يقول تمام
ويبصله بصة طمع
أصله ماشى بوش باسم
والقلب ساكنه الوجع
                           
  ( أسامه جديانه)

***********************

***********************