حورية,,,,,,,بقلم الشاعر أسامة جديانة

رميت سناره ف الميه
طلعتلى ف سنها حُوريه
خُفت وقُلت جنيه
نسيت أنى على مَرسى
على شَط بحر العشاق
لقيتها بتهدينى هديه
قلب مليان بالأشواق
حَبيبه وعاشقه ياحُوريه
وقلبى للحبيب مشتاق
م أنا مجروح وكلى جُروح
وقلت ألملم الأوراق
وأنسى الحب وعذابه
قالتلى بَسمتى ترياق
شفاء للعله والتنهيده
م حدش شافنى إلا ورَاق
كفانى أطبا ياحوريه
رُوحت لطبيب المغرمين
قالتلى شِفاك لمسة إيد
عالجت قبلك مجروحين
ألمهم كان صعيب ف القلب
لقيت الجرح بين نبضين
خلاص راح الوجع منك
لقيت جرحى بقى جرحين
دا جرح الحب كله سعاده
وألمه هو سهر العين
ياريت ترجعى جراحى
داجرحى معايا من سنتين
عايش بيهم شايل قلبين
قلبى وقلب محبوبى
ونبض القلب بقى نبضين
عجيب ياجرح المغرمين
مهما كان فيه من ألم
جرح الأحبه شوق وحنين
                             ( أسامه جديانه)

***********************

***********************