حواديت الصوره
...................
وانت بعيد
حاول ترسم تفاصيل
كَبر خط الحظ شويه
واسرق فرحه من الايام
بكره الأحلام ح تبان
مبدوره فوق التجاعيد
الإيد ف الإيد
حاضنه وريد الاحزان
د الحزن زمان
كان ساكن فوق الاغصان
والشجر المتمسك بالطين
لسّاه حاضن كل جذوره
رغم الامه وطولة باله
لساه يدي كتير امثال
والحب مُحال
يسكن بطن خريف
معقوله النبض يكون تخاريف
يتمرجح ف حواري المشوار
الكل اختار
يسكن عتمة روح مغلوبه
والظلم انهار
تروي حواديت الصوره
وانا واقف منظر مش اكتر
الكل استكتر
يمد الايد
العقل عنيد
والقلب براح
الدق ارتاح
من قولة اه
........................
همسات
السيد منير عطيه
***********************
***********************
ليست هناك تعليقات:
إرسال تعليق