شمسك أمل وشروق
يابلادى .... لا تطاطى
إرفعى راسك ... فوق
داعدوك خسيس واطى
قاعد له بالمرصاد
على حدودك مع خواتى
مالينى الحماس والشوق
وبامنى روحى يوماتى
بشهاده على ترابك
أتوج بيها حياتى
يابلادى لا تخافى
على حدودك أنا صاحى
شايلك على كتافى
وحاميكى بسلاحى
دانا سالم مادام سالمه
ودحكتك دوى جراحى
بحر حنانك دافى
زعلك يزعل أفراحى
فاكره يامايا سينا
وعمايل الخسيس فيها
غفله خد أراضينا
فكر يسيطر عليها
بنى الحصون أميال
وسواتر حديد ورمال
من جبنه معليها
ناسى إن إحنا رجال
ومولودين أبطال
وكان بيقول دامحال
نستردها ونحميها
وف ست ساعان حسومات
جبنا عاليها واطيها
ورجعت سينا لينا
عروسه ربنا محليها
مذكوره فى القرآن
وحما الرحمن حاميها
........................
مقطع من قصيدة
شمسك أمل وشروق
بقلمى
***********************
***********************
ليست هناك تعليقات:
إرسال تعليق