من وحى أكتوبر ٧٣
من ديوان/ هى دى مصر
للشاعر / مصطفى فريد
سر العظمة فى سنه اكتوبر
هو الجندى المصرى أكيد
قام بإيمان الله وعزيمته
سطر حلمه ويوم العيد
جندى مشاه أو جندى مهندس
جندى طبيب أو لسه جديد
شارب روح الخبرة فى دمه
من أجداده وهو حفيد
عبد العاطى وسامى وجرجس
جورج ومينا وأحمد عيد
مصريين أبطال بالفطرة
وقت الشدة الإيد فى الإيد
أصل المصرى كريم ومسامح
لكن حبه لأرضه شديد
إللى يمس تراب أجداده
وألا يحاول مرا يحيد
ويخطى على حق ولاده
يصبح وحش وصلب عنيد
قلبه حديد
مؤمن دستوره الإيمان
مايحبش عمره العدوان
مذكور اسمه فى ألف ميدان
الساعة اتنين قام الطيران
بالضربة الأولى الجويه
ضرب المطارات دمر رادارات
ورجال الصاعقة المصرية
فى السما ميات نازله مظلات
الصيحة قويه وعفيه
أرض الفيروز راجعين آلافات
نعزف لك لحن الحريه
الفكر المصرى عمل فتحات
فى الساتر بسلاح الميه
إنهار ( بارليف ) ويادوب لحظات
عبروا العربات الحربيه
وجنود النصر فى ست ساعات
عزفوا الأنشودة الأبدية
قالها الأجداد للمصرى صفات
جندى بعقيدة قتاليه
خير الأجناد وقت الأزمات
بتبان النخوة المصريه
من ديوان/ هى دى مصر
للشاعر / مصطفى فريد
سر العظمة فى سنه اكتوبر
هو الجندى المصرى أكيد
قام بإيمان الله وعزيمته
سطر حلمه ويوم العيد
جندى مشاه أو جندى مهندس
جندى طبيب أو لسه جديد
شارب روح الخبرة فى دمه
من أجداده وهو حفيد
عبد العاطى وسامى وجرجس
جورج ومينا وأحمد عيد
مصريين أبطال بالفطرة
وقت الشدة الإيد فى الإيد
أصل المصرى كريم ومسامح
لكن حبه لأرضه شديد
إللى يمس تراب أجداده
وألا يحاول مرا يحيد
ويخطى على حق ولاده
يصبح وحش وصلب عنيد
قلبه حديد
مؤمن دستوره الإيمان
مايحبش عمره العدوان
مذكور اسمه فى ألف ميدان
الساعة اتنين قام الطيران
بالضربة الأولى الجويه
ضرب المطارات دمر رادارات
ورجال الصاعقة المصرية
فى السما ميات نازله مظلات
الصيحة قويه وعفيه
أرض الفيروز راجعين آلافات
نعزف لك لحن الحريه
الفكر المصرى عمل فتحات
فى الساتر بسلاح الميه
إنهار ( بارليف ) ويادوب لحظات
عبروا العربات الحربيه
وجنود النصر فى ست ساعات
عزفوا الأنشودة الأبدية
قالها الأجداد للمصرى صفات
جندى بعقيدة قتاليه
خير الأجناد وقت الأزمات
بتبان النخوة المصريه
***********************
***********************
ليست هناك تعليقات:
إرسال تعليق