كاس الحب بقلم الشاعر دهيمات الوردي

....................دهيمات الوردي .......................

.....................كاس الحب ............الشعر الملحون

كنت نقول عمري ما نعشق................الحب خلاص أنا سكرت بوابو

الدنيا تعرف بين لحباب و تفرق..........وشفت أنا واش صرا في صحابو

العين تبكي والقلب مسكين يتحرق......وشبان صغار من الحب راهم شابو

يا حليل من قلبو بحبيبو تعلق............ومن فراق حبيبو راه زاد عذابو

أيا قلبي قتلك معندو مداك تعشق......خبرتك وصيتك مكان لاه تحل كتابو

العاشق مسكين في حياتو مقلق.........وكثير مون كان الحب في لهبال سبابو

تحاورت مع قلبي وأعطيتو كلامي.....وقعدت أنا نستنى كيفاه يكون جوابو

جاوبني وتحدث معايا دخلاني ..........قالي بلي راهو زاهي مع حبابو

أنا لحمة فيك ربي هو مون سواني......والحب حاجة مليحة وما حلى عذابو

زرعتهم وردة في حمرة جناني ........وسكنولي بين لضلوع وعلى جنابو

ثاني هوما قلبهم راهو يهواني............وفي هواء قلبك هوما ثاني ذابو

عولت تخليني كي لحجر مقساني..........و الورق يلا حن يطيح على ترابو

***********************

***********************