ليه دايما كنتي مسابقاني
وأنا كنت اللي باحبك اكتر
وتبيني دايما في مشاعرك
من غير ما تخافي إني افكر
حاجة تكون تتفسر أكبر
مع إني اللي باحبك أكتر
دايما كنت بافكر ليه
كل كلام احاسبني عليه
واللي هاقوله أنا واللا احكيه
واللي اخفيه عنك واداريه
دايما كنت معاكي أتأخر
مع إني اللي باحبك أكتر
أول فكرة تكون في خيالك
الوردة اللي هاقدمهالك
والدبلة اللي هالبسهالك
وازاي هاوصف كل جمالك
دايما كنت أنا اللي باحضر
علي أمل إني باحبك اكتر
وأنتي الوردة كانت سابقاكي
والدبلة لايدي مسابقاكي
والفكرة اللي باحاول فيها
وف قلبك كان وصفي معاكي
فوق مابحاول فوق ماأتصور
مع إني اللي باحبك أكتر
حبك مالي عليا كياني
موش قادر أشوف ولا شئ تاني
تتصوري لما أبقي معاكي
من غير مااحلفلك بانساني
صعب إن مشاعرك تتقدر
مع إني اللي باحبك أكتر
***********************
***********************
ليست هناك تعليقات:
إرسال تعليق