***تصدقوا ***
تصدقو الفلوس مأحبهاش
تصدقو أبدا عنها ماأستغناش
والدنيا والحياة من غيرها ماتنعاش
ومن غيرها الانسان مايسواش
واللى يعشقوها يضيعو بلاش
واللى يزهدو منها تجيلهم بكباش
عشان حيرتها الفلوس مااحبهاش **
تسهر عيون المداينين الحيرانين
وتحيرقلوب الفقرا المغلوبين
وتشجى نفوس الأغنيا المحظوظين
وتقوى ناس على ناس مقهورين
وتخرب ضماير ناس طمعانين
وتجر بلاد لحروب وهلاك سنين
وتقتل طموح شباب للدنيا طالعين
وتشتت جمع أسر وتخليهم مشردين
عشان كده الفلوس مااحباش
ولكن ابدا عنها مااستغناش***
شعر فاطمة احمد المراغى
***********************
***********************
ليست هناك تعليقات:
إرسال تعليق