★خوي و هرب ★
هاذ الدنيا ★سكنها العجب
واحد مرتاح★ و جمع معذب
و اللعبة فيها ملعوبة
فايق يزرع ★و ناعس يحطب
خاذ المحصول★ يابس و رطب
و كل الغلة منهوبة
و اللي يردع ★ساير يكذب
وحدو ضاحك★ بنّا يندب
الثقة طلّت مغلوبة
شاعر مسكين★ عيا ما يكتب
لا حد سمعو ★لا شيء كسب
ما وصلو دور و لا نوبة
الورقة حرگات★ و القلم هرب
الكلمة سكتات ★ و الحرف غرب
والعين ظهرت معصوبة
ما سمعوا لي ★ و لا للشعب
ما شدوا سارق★ لا من ينهب
و الحقيقة محجوبة
وقت الحملة ★فينا يحسب
و العوام بربعة ★فينا يضرب
و الارادة مسلوبة
قالوا القدَام ★صفّي و اشرب
كثرت المغارف★ خْوِي و اهرب
قبل ما تصبح عجوبة
يزيد علوي اسماعيلي
***********************
***********************
ليست هناك تعليقات:
إرسال تعليق