فى الشكل - للشاعر المبدع - حسن بعيله
فى الشكل بنشبه بنى ادمين
انفاسنا بتخرج و بتدخل
ولساننا بينطق ويناضل
ويسب ويلعن وبيشجب
وف وقت الجد بنرجع طين ..
والشاهد ارض فلسطين ..
طب هاكتب ايه
والسن اتبرى واتدارى خلاص
والخوف بقى ماسكه من الحكام
وكلاب الارض الانجاس
مابقيتش الحرب حماس ويهود
الحرب خلاص بتعدى حدود الشعب
وتلعب ع الحاكم
ملعون يا سكوت شعب بهايم .
..
مش هاكتب وكفايه وجعنا
الناس رجاله ف غزه هناك
العيل فيهم بكتيبه
واحنا اللى اكلنا فشبعنا
وكروشنا خلاص تعبانا هلاك
فبنسكت مانقولش العيبه ...
***********************
***********************
ليست هناك تعليقات:
إرسال تعليق