بقلم /سلوى وحيد
نعوش الغربة
لية ياابنى بلدى ، لية ياابنى حضارة ٧٠٠٠ سنة قبلت الغربة ، قبلت المهانة فى الغربة ، لية تسافر على رجليك وترجع فى نعش ، مضروب رصاصة ولاسكين ، كل دا لية علشان شوية ريالات ولادينارات ضيعت شبابك وجعت قلب أمة واهلك وجعت قلب اخوانك المصريين ، تمن الغربة غالى اوى كان ممكن تعيش بكرمتك فى بلدك صحيح كنت هتتعب شوية بس يكفى انك بين اهلك ، للاسف كل خريج عايز يقعد على مكتب ويتعين مدير من اول السلم منغير تعب يااما يجرى على الغربه مش مهم يتهان هناك ماهو محدش شايفه ، لكن يشتغل فى بلده أى شغلة بسيطة لاء عيب اصحابى هيشفونى ، اوحجة مفيش شغل بدور مش لاقى ، امال السوريين نجحوا فى بلدك الزاى ناس بتشتغل فى اى حاجة مفيش عيب فى لقمة العيش الحلال وبيتقنو ا عملهم .. وقبلهم الصينيين عملوا مصانع لبس ولفو على البيوت بشنط وعملوا ثروة فى بلدك ، واخونا الصعيدية رجالة مشاء الله جسم وصحة يسافروا ويفينو صحتهم فى الغربة مع أن البد محتاجهم في حرف كتير . ابسطها لواشتغل حارس فى عمارة زى زمان قبل مايعرف السفر ويهجر أولاده اللى للاسف الحرامية وتجارة أعضاء الاطفال عرفت تدخل الصعيد مصنع الرجال الاسود يخفطو اطفالهم فى غيابهم ماهى للاسف اغلب البيوت ستات من غير رجالة مسافرين بيجرو على أكل عشهم ، انتوا عارفين الحارس فى القاهرة دخلة كام فى الشهر خصوصا فى المساكن الجديده الراقية يتعدى ٧٠٠٠ فى الشهر تنضيف سيارات وسمسرة عربيات وشقق . و لايصلح احزية وشنط أو تصليح ملابس مكسبها كبير ولا ولا ، الشغل كتير بس اللى عايز يشتغل ، كفيا لحد كدا مهانا عيش فى بلدك ربى اولادك احميهم من تجار الاعضاء ، احمية من أصحاب السوء والمخضرات ، احمى زوجتك وعفها بدل متقع فى الرزيلة مع صيادين النساء على الفيس خاف على بناتك احمى عرضك اللى بيتنهش فية .. عارفة انى كلامى بيوجع مجبرة افوقك من خوفى عليك ياابنى بلدى ياابن حضارة ٧٠٠٠ سنة .
***********************
***********************
ليست هناك تعليقات:
إرسال تعليق