الليل مسافر جوه غيمه
والشمس جيه بالشعاع
ياليل معاك كل أسرارنا
حافظ عليهم م الضياع
نظرة حبيبتى تحكى غرامنا
والعين م تعرفش الخداع
ياليل مشتاق لحظة رجوعك
ما أقدرش أقول كلمة وداع
ياشمس نورى دنيانا
وأفرشى ضلك ع البستان
فيه زهره زرعاها حبيبتى
بتشع نور مالى المكان
فيها الرحيق والعبير
يملا قلوبنا بالحنان
ياشمس مشتاق للسهر
والليل ياخدنا بالأحضان
فارد براحه ف السما
والقمر بينا فرحان
ياشمس ليلنا ف أنتظارنا
ياريت تفتحى له البيبان
أشتقنا ليه وأشتاق إلينا
شايل على أكتافه كروان
لجل م يمتعنا بصوته
ونجومنا تعزف الألحان
ياشمس بتدفى الجسد
وقمرنا ساكن فى الوجدان
( أسامه جديانه)
***********************
***********************
ليست هناك تعليقات:
إرسال تعليق