محمد رسول الله...محمد سليم

محمد رسول الله
خير خلق الله
رحمه للعالمين
من ربنا مهداه

صلى الله عليه وسلم
صلى الله عليه وسلم

ميلاده أكبر عيد
للدنيا فجر جديد
بعد ضلام الليل
بالجهل كان بيزيد

صلى الله عليه وسلم
صلى الله عليه وسلم

جانا النبى بالنور
يشرح قلوب وصدور
دى رسالته بالإسلام
هى الطريق للنور

صلى الله عليه وسلم
صلى الله عليه وسلم

على إيده شوفنا الخير
والناس كمان والطير
شهدوله أنه رحيم
 وأنه قلب كبير

صلى الله عليه وسلم
صلى الله عليه وسلم

جانا النبى بضياه
يدعو لكلام مولاه
يشفى قلوب بالنور
تحيا بأمر الله

صلى الله عليه وسلم
صلى الله عليه وسلم

طول عمره فينا عظيم
صادق نبينا امين
رب إهدنا بهداه
م نكونش م الضالين

صلى الله عليه وسلم
صلى الله عليه وسلم

هو الشفيع لينا
من حوضه يروينا
يارب تجمعنا
بحبيبنا ونبينا

صلى الله عليه وسلم
صلى الله عليه وسلم

أحمد سليم

***********************

***********************