تبديل الأحوال
وكأن شاشة سينما زمان
تدور وتعرض فى الأحوال
القط والكلب الحيوان
كانوا بيتعاركوا فى اى مكان
دلوقت يتعايشوا بسلام
بدون عراك وبكل أمان
يعنى المحبة مع الأيام
بتزيد تغير فى الأجيال
فهموا وعرفوا كفاية خصام
ويسود ما بينهم خير وسلام
مع انه يعنى أكيد حيوان
لكن بيفهم بالإحسان
اما صديقنا الإنسان
يقتل اخوه يعنى الإنسان
بقسوة اكتر من الحيوان
وكأن غابة بدون عنوان
ايه اللى غير فى الأحوال
الحقد مالى فى كل مكان
والقتل والحرق العنوان
العقل فين والحب كمان
إنسان بيتغير حيوان
وحيوان مشاعره تفيض بحنان
وعشان كده بتلاقى إنسان
من حزنه يلجأ للحيوان
يربى قط وكلب كمان
ويحس منهم كل أمان
ويبعد يخاف من اخوه الإنسان
أحسن يسبب له فى آلام
عجبى على تبديل أحوال
يا ريتنا نرجع زى زمان
والإنسانية تعود إنسان
بشعار ده فينا فى كل مكان
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون
***********************
***********************
ليست هناك تعليقات:
إرسال تعليق