معلش يا دنيا
......................
معلش يا دنيا الموت واقف
على ناصية .. شارع متحير
ومابين الموروث في امبارح
وخيال .. اليوم المتغير
على عتبة بيتنا التوت طارح
والشمس بخوفها بتتحور
فيبان النور خيلات عاتمه
وظلام للحاجب بيدور
فيوسع بؤرة ادراكنا
فتصور مالم يتصور
اشباح بنباح تكتب غنوه
والخلق كتيره وتتهور
احلامنا البكر بقت ساذجه
في براح الكون المتطور
يا جموع عطشانه ويرويها
بسناب والشات عقل مصير
فنحاسب روحنا على جروحنا
ةجراح القلب المتغرر
معلش يا دنيا الموت واقف
على ناصية شارع متحير
........
الصافي أبوعمار
***********************
***********************
ليست هناك تعليقات:
إرسال تعليق