بيقول معرفش اكتب شعر
وكلامى مش شبه بعض
ياناس دا الشعر
مش كلمة بتترص
دا الشعر معنى وحس
وشعور بالناس بيحس
بيحس بأفراحهم
ويحس بأحزانهم
بيحس بمأستهم
ويحس بأوجاعهم
الشاعر مش كلمة وبس
بيحس الحب لو
قلبه فى يوم دق
ويقول للباطل
بكلامه مليون لأ
ويخلى كلامه
دايما فى الحق
بتقول مش شاعر
وانا بقول لأ
لأ ومليون لأ
شاعر وبحس
لو حتى الهمس
بيصرخ قلمى
وبالناس بيحس
ومهما تقول
مش راح اهتم
هفضل اكتب
لآخر الدم
هكتب ف الفرح
واكتب ف الحب
واكتب ف الجرح
واكتب ف الهم
واللى مش عجبه
يبطل يقرا
يبطل يعجب
ولا يا اخويا مكره
هاكتب واكتب
وانت هتعجب
اصل انا شعرى
بحره مرطب
ومهما تقول
هافضل أكتب
أحمد سليم
***********************
***********************
ليست هناك تعليقات:
إرسال تعليق