كبيت على روحى مية
شبيت ويا البخار
حطيت على قلبى طوبة
شبيت ويا البخار
حطيت على قلبى طوبة
انهار فوقى الجدار
بصيت جواىَّ باكى
ورسمت الصبر دار
وسكنت ف عضم ليلى
باستنى فى النهار
بعد انصهار المآسى
فرد الحصار باعة
واتبعتر العمر
بين همة واوجاعة
واليأس ذاد اتساعة
خللى الحقيقة خيال
طال انتظار الفجر
يفتح لى الطريق
والريق فى حلقى
رافض التحقيق
الضيق بريئ
من زبزبات الآه
والصبر تاه
من كتر ما اتعنيت
سميت كتير
على روحى لجل تعيش
والفرح شافنى
بس ماندهليش
وحاولت اعيش
على هامش الأيام
نفسى سهام البخت ماتجليش
اوهام بتقطف
زهرة الاحلام
وحزام حياتى
ع السنين مشدود
بين الحدود
الاربعة رحال
فارد قلوعى
لاحتلال مرصود
كل البنود
متفصلة ع الموت
ملكوت هيفنى
والغروب مكتوب
مغلوب وغالب
والمطالب شك
والعك طايح
والنصايح بور
دبور معشش
والخراب مسعور
شاب الشعور
واتجمد الاحساس
وسواس مخاوى
والفتاوى عفار
والهلس ناوى
يكمل المشوار
ومافيش خيار
للعقل يمشى وراة
غير اتجاة
خاطيئ فى كل قرار
***********************
***********************
ليست هناك تعليقات:
إرسال تعليق