سرحت كتير بخيالى
ومش عارف أنا مالى
جفانى النوم
وسهر الليل بيحلالى
بناجى نجوم السما
تغنى معايا موالى
لا فى شجن جوه قلبى
هموم الدنيا
مش شاغل بها بالى
لكن سرحان كمان فرحان
بجمال زخات المطر
ك عشق الخضره للعصافير
وعشق العازف للوتر
ودايما باصص للسما
بيحلالى وجه القمر
أنا مالى وأيه جرالى
من نظرة عين خطفت قلبى
وكان مالى وأيه ذنبى
لا عشت الحب ولا هويته
ولا عمر أنشغل نبضى
لا عارف صاحبة النظرات
وفين راح معاها قلبى
ومن يومها وأنا سرحان
وصاب الألم قلبى
( أسامه جديانه
***********************
***********************
ليست هناك تعليقات:
إرسال تعليق