الكلام زي النسيم
تنتقل بيه المشاعر
الكلام زي الزهور
زي ألف ديوان لشاعر
الكلام لو م القلوب
يجي زي النسمه طاير
الكلام زي النجوم
يهدي ألف طريق لحاير
الكلام جنة و نار
الكلام دايما يساير
كل فكرة جوا عقلك
بذرة محتاجة لحروف
كل نبضة جوا قلبك
لحن تحييه الحروف
كل صورة جوا عينك
تترسم من غير كسوف
انحت ف صخور الشوق مشاعرك
اجعل المحبوب يشوف
ارسم مشاعرك للحبيب
لوون سطورك و الحروف
يا حبيبي قول مشاعرك
قولها من غير الكسوف
لو مشاعرك شمس طالعه
ليه تخبيها في سكوتك
لو مشاعرك نهر جارف
اصنع المركب بصوتك
أفرد قلوع الشوق لحبك
أوعى تستسلم لموتك
***********************
***********************
ليست هناك تعليقات:
إرسال تعليق