أنا رحال,,,,,بقلم الأديب أسامة جديانة

أنا رحال
وياما الغربه جرحتنى
نويت عالعوده لبلادى
لقيت الأهل ظلمونى
وقابلونى وشوش تانيه
مش الأهل اللى ربونى
وقال كلام كتير جارح
وف الملامه لامونى
وراجع ليه وفين خيرك
ياريت ترحل وهاجمونى
كفايه نسمع صوتك
نزلت الدمعه من عينى
أنا عايز حضنك ياوطن
ياأهلى ليه تغربونى
كفايه غربه ياأهلى
كفايه جراح وسيبونى
أناراح أسيب لكم مالى
وها أرحل عنكو وأنسونى
أنا راحل ومش ندمان
ياريت م تبكى ياعيونى
أنا راحل ومش راجع
ولما اموت ياريت م تجوش
بحجة الجثه تدفنونى
تشوفوا فين أموالى
وبعد الدفنه تنسونى
أنا رحال

***********************

***********************