نفسى أعيش الحب
بقلمى/فؤاد الشيخ
نفسى أعيش الحب
بس مين يحبنى
العمر جرى منى
والزمن هدنى
راح زمن الأمل
والمرض عضنى
حالف مايسبنى
لغاية ما انحنى
مايعرفش إنى عنيد
والعزيمة تشدنى
لحب يمد لى إيده
وف حضنه يضمنى
وفتحت قلبى أريده
لقيت الحب هزنى
بيقولى ياللا نعيده
ولليأس ما تنحنى
الحب حاجة حلوه
تخلى الفقير غنى
هيا السعادة إيه
غير أحبك وتحبنى
Fouad Hart&love
***********************
***********************
ليست هناك تعليقات:
إرسال تعليق