قلت أحسبها ما هي رايحه
ف دنيا فانيه
تراب وحساب
فيها
سلمت أمري
لرب كريم عنده الجود
عليه العوض ومنه العوض
خلي همك عند ربك شاكي
وأشكي لربك
هو قريب منك
عالم عهدك
حافظ سرك
سلم ليه أمرك
تشرق شمسك
نور وهدايا يبقى ف قبرك
إفهم فهم
كله رايح
ما باقي إلا وجهه
خلي حياتك حلوه
بسيطه غنوه
روح وتسامح
دا هي ملامح
تبقى ذكره
عند اللي ف قلبه رحمه
إوعاك تعصى
وتاكل لقمه
أولها حلوه
وأخرها مر مرار
وعيون مش شايفه
خراب ودمار
إبن ضال
وبيت خربان
وندم
ويكون ما كان
أوعاك تسخر ع الغلبان
دا الدنيا دايره
بتلف كل لفه في ثانيه
دا هي مش دايمه
ولا هتكون ف الحق غايمه
دا كله بالأوان
عند الرحمن
مكتوب ف كتاب
مهما طال الظلام
لابد من نور يكون سلام
الكاتب عبدالرحيم الهيكي
***********************
***********************
ليست هناك تعليقات:
إرسال تعليق