لحظة .. تساوى عمر ,,,,بقلم الشاعر الحاج يوسف

لحظة .. تساوى عمر
كتبت إسمها
على وتر الحنين
فى القلب
وعزفت لحن الحب
ودندنت حبة غُنــا
لحظة بزوغ الأمل
 فى نبض الكلام
لحظة حنين الحس
فى ضمة الأيام
لحظه بتعدى
تدى القلوب سوسنه
فرحه لألف عام
لحظة ما نرضى بحبنا
ويضمنا حضن الحنين
نرمى الأنين ورا ضهرنا
لحظة ما نرصد حقيقه
غايبه بقالها سنين
ونكز بسنانا قوى
على ضعفنا . وننسى
اللى فات . ونقوم
نصحى الكون
يشهد على حبنا
ونعيش لحظه هنا
وكام يوم
من عمرنا بنستناه
خلى السعاده تضمنا
يمكن يطول عمرنا
ونحقق الحلم
اللى بنتمناه ..... الحاج يوسف

***********************

***********************