فارد دراعك تحضن الشوك
بالغشم
مش كل حضن تقابله
يبقى اللى اتقسم
ولا كل ضحكه وبسمه من عين
تقصدك
دايما مغمى عنيك لقلب
كتير أوى بيورطك
....
فيه ورد ابيض ريحته اجمل ما اتخلق
والشوك ف عنقوده خفى و ماتلمحوش
والشمس دايما وقت نورها
بيتوجد
مع كل لحظه نور
شعاع
بيحرق فى الوشوش ..
كل السكك .!!
مابقيتش روما النهايه عندها
كل السكك..!!
فيه سكه تانيه وتالته مادين بعدها
مابقاش قلوب الناس كما تتخيله
خط الظلام مادد ف حاسب تدخله
سيب للظنون فرصه
وسيبها تخوفك
الخوف ساعات ارخص اذا قارنوه بتمن
و أهو بعض سوء الظن
من حسن الفطن
اوعاك دراعك تانى
يحضن فى الخيال
اياك تسلم لأفتراض
من غير سند
الدنيا مش دايما حرير
اشواكها على طول المدد...
**
جربت حضن
حضنته يشبه للعدم
حسيت بحزن .
دلوقت حسيت بالندم
#حسن_بعيله
***********************
***********************
ليست هناك تعليقات:
إرسال تعليق