شديت رقبتي.. من تحت باط الزمن الردىء
و قعدت أدّورع الضمير الحى...
ف قلوب البشر وأنتى
بعترت عينى ع الوشوش
..ملقتش غيرحبل الوجع
بيكتـّف الضحكة في عيونك مدينتى
يا بسمة أمتى تفّكى الأزمة وتدومى
يا طريق بيخلف فرحة الأشياء
فيزينها بهمومى..
شديت رقبتى من زمن
والدنيا أديق
بين وسيع الأرض.. وهدومى
لاضم عينّيا ف السكك
وبشكشك الاهة
والناس معادن قماش على كل لون بتبوح
مالقتش فيهم غيربقع وخليط نفاق بيفوح
وبواقى شوك من فتل..
بيشبّكوني في غزلهم ...يا عزلهم
عزلوني.. عن كل العيون الطيبه
نضارة الزمن اللى فيا.. علشان ذكيه متعبة
وأنتى الحبيبة المرعبة
شديت رقبتى مقتنع
بنزاهة المشهد وبراعة الألوان
يا دي الزمان المصطنع
(عجبى عليك يا زمان)
دوّرت فيك ع الكامل.. مالقتش غير قمصان
و عرفت فيك الصدق ..مالقتش غير نقصان
***********************
***********************
ليست هناك تعليقات:
إرسال تعليق