حبة حنين متبعترين
على وش القمر
مزروع جنبهم وردتين
وبينهم الحب أنتشر
بيهلوا من كبد السما
يبدروا الحب ف قلوب البشر
قابلهم القلب السليم
قابلهم بكل ترحاب
واللى أرتوى بالحنين
قلبهم فى سن الشباب
مهما كان من سنهم
مافيش ف قلبهم ضباب
مغرمين بسهر الليالى
والصحبه والأحباب
والورد فى البساتين
طول عمرهم أصحاب
حتى نجوم الليل
حرس على الأبواب
دايما ضيوف عندهم
ولا كانوا يوم أغراب
واللى رفضوا المحبه
أشرار زى الذئاب
الحقد مالى قلوبهم
بلسان كما الأنياب
هرب الحب من قلوبهم
وسكن فيه الغراب
هديه م السما نازله
رفضوها عقلهم غاب
عمر الحياه ماتحلا
من غير أصحاب ولا أحباب
( أسامه جديانه)
***********************
***********************
ليست هناك تعليقات:
إرسال تعليق