بناكل الموجود
وان كان مش حادق
والحنك من حدوقيته مش طايق
نمص م القصب عود
ونغمس طماطمه مفعصه
بعيش بتاو كالح الخدود
ونشرب ميه م القله
وننكش سنانا بعود خله
وجسمنا ع الحصيره ممدود
وف الشتا مفيش غاطيه
وفيه راكيه
وحيل م التعب مهدود
وسهارى والفمر طالع
عن اللى زارع
واللى قالع
واللى ظلم ومات نمرود
والصبح حلة عصيده
مليانه سمنه وعسل
مكنش حد ع الحديده
ولا حد بيشجت بجريده
ولافقر الينا وصل
واصبح تربح كانت شعار
للفواس وابن الناس الكبار
الكل كان عنده امل
يوكل عياله من جلال
وعنده تبنه والغلال
ودره شرابه ظلال
وكان الكل بيشتغل
وكانت اللفمه الحاف
تحت اللحاف
طعمها سكر
الواحد ياكلها ويتخمد
وم الفجر يبدر
وعلى مصلحته يروح
والنسمه جواليه بتفوخ
وجاله وماله بايد القدر
مفيش لاشر ولا قر
كان الكل حر
لكن النهارده
الضحكه شارده
والهم ف كل قلب انبدر
---------
الشاعر \\ عبد العليم ابو عبده
كلماتى ومسجله باسمى
***********************
***********************
ليست هناك تعليقات:
إرسال تعليق