وح تفرق إيه
...............
وح تفرق إيه
م الدنيا بتكّسر كل ما فيك
والحضن الساكن جوّه عينيك
رافض يأويك
والليل بلياتشو علي الحبلين
يتنطط ويبيع لياليك
والمطر يسابق دمع العين
يغسل اوراق قلبى المجروح
واغصان الصد بتهزمنى
تتحني من دمعي تمللي
وانا عايش ف الغربه اكمّنى
مهزوم الروح
بيخدني الجرح لجرح كبير
ويعدي الحزن بدون تفسير
واحلامي بتصرخ ويايا
من طول المشاوير
ووقفت استني يبانلي نهار
والحزن جدار
وانا مش ح اختار
لجل رموشها تغطيني
سيد منير عطيه
***********************
***********************
ليست هناك تعليقات:
إرسال تعليق