رسم القلم بحروف
الحب اللى كان
موصوف
يجمع مابينا لقاء
بحروف الكلام والمعنى
ويطيب الكلام بالحب
نتقابل بنبض القلب
ولا حد يسمعنا
ممكن بإحساسنا نشوف
طيف الهوى بيطوف
يوصف حنين الفؤاد
ويبقى كلامنا وداد
يوصل مابينا الشوق
وندوق حنان وحنين
وساعة البعاد ما يحين
روحنا تحس انين
يمكن كلامنا لبعض
أحسن دوا وعلاج
بلسم يداوى القلب
ويدوم مابينا وصال
كلامنا زى الحلم
بيدوب في نظم الشعر
نلضم كلام الحب
وفي بحر الغرام بنعوم
م الفرحه ننسى النوم
ونقعد علي شطه
الحب نبض حياه
و كله بأمر الله
صوت الحنين والشوق
بينادى ع المعشوق
نقدر بحب ندوق
نسكر كمان ونفوق
ونعيش ف لحظه شوق
نعشق بها روحنا
ومهما طال البعد
هيفضل معانا الحب
بلسم يداوى جروحنا
💔💔 الحاج يوسف 💔💔
***********************
***********************
ليست هناك تعليقات:
إرسال تعليق