نجمة داوود,,,,بقلم الشاعرة وفاء أمين

نجمة داوود
**********
كُل الشوارع ارضها
تنزف حريق
الدمع دم يبكي على الطريق
وكام شهيد فين الصديق
فين اللي ماسكين الميزان
الظلم واقف ديّدبان
بيمّرغ العدل في ترابُه
والاقصى من قهره وعذابُه
يُصرخ على طُهر الكنايس والمساجد في الآدان
هِرب الامان
متداري ورا طوبة حجّر
نزل المطر وابل من الإعدام
 آه ياكلام اصبح ُصراخ
الحق دااااخ
مابين مؤيد او معارض
 والفِخاخ
منصوبة طلقات في الدماغ
والحية لسه بتنتقم
وتوجّه السِم الزُعاف
الحيّة لفّت ديلها
على كل الحواف
نجمة داوود شبِعت دّفا
من مين تخاف
مسنودة ورا ضهر اللى نهبت
من خيرها بتّربي الكِتاف
اللي قايدة للحرية ُشعله
ترهِب اللي شاف
فين المقاومة والايمان
الإتحاد والقوة
 فينهم من زمان
ثبتّوا جدور العزيمة بالمحاولة
دوسوا شياطين المساومة
وازرعوا مليون صلاح
ازرعوا مليون صلاح !
Wafaa Amin

***********************

***********************