سرقة الضحكات
لما العيون شافت الحبايب جيين
نزلت دمعتها ممزوجة بااه والانين
دموع بتحكى لهفة وشوق سنين
بسرعه مسحت الدمع بايدى اليمين
استقبلتهم والبسمة ماليه الجبين
قلتلهم الفرح زارنا والدمع عربون
عربون فرح فمتاخذوش العيون
زى ما القلب دق وشد الوتين
فالعين فكت حبس شوق وحنين
ضحكت عيونهم ودمعت امطار
قالولى كيف احوالك وشكل الدار
خدتهم بيدى وجرينا على الدار
فضلو يتنقلوا ومكنلهمش قرار
اقولهم استريحوا عقلى منكم حار
يقولوا سيبنا مش مصدقين اننا احرار
رجعنا لعشنا لما كنا صغار
الروح ردت بعد ما خدتها الاسفار
وجودنا معاكم بنحس ان الهم صبح اصفار
والسعادة طبيعيه وكانك ليها مزار
اتبسمت وقلت اهلا بيكم صحبت الاشرار
محمدعبده
***********************
***********************
ليست هناك تعليقات:
إرسال تعليق