أحترت ف حبك
يوم تسعدنى وتهنينى
ويوم تهجرنى وتبكينى
ولا يوم مسحتى دمعة عينى
بلاش الهجر يانن العين
تعدى أيامنا من غير خوف
وف عيونك أشوف الفرح
وآجى بشوق وأكون ملهوف
لنظرة عين تداوى الجرح
وأشاورلك بنظرة عين
وكلى شوق للحظة حنين
تعوضنى هجر السنين
وأرسم صورتك على شطى
ياأجمل زهره ف البساتين
وأطوف سواح بلاد وبلاد
وأشتاق لنظرة عين
ياخدنى الشوق وأعود ليكى
على شطى اللى بين قلبين
قلبى وقلبك ونبضاتهم
بيتغنوا بشوق وحنين
وبين قلمى وحروفى
أكتب فى حبنا دواوين
( أسامه جديانه)
***********************
***********************
ليست هناك تعليقات:
إرسال تعليق