(أنا بيت القصيد )
شعب بيصنع المستحيل
جيل جاي بعد جيل
بلد العالم الجليل
الدكتور أحمد زويل
*
شعب بيبني الحضارة
رئيس ناجح في الإدارة
السيسي عنده المهارة
بيصنع الدولة المختارة
*
دولة العلم والدين
أدخلوها سالمين
مسلمين ومسيحيين
عيشوا فيها آمنين
*
الجايزة ليكي يا بلاد
يا أم الولد سيد البلد
ابنك علي حدودك أسدك
مدد يا بلادي مدد
*
يا دين عايش من سنين
دم بيجري في عروقي
يا سيدة نساء العالمين
أنا عاشق فيكي وجودي
*
بناديك سمعني يا وطن
صوتي وصلك من بعيد
فاكر تضحية الشهيد
لجل ما يعيش الوليد
*
لجل ما تعيش منصور
لجل ما تثبت حضورك
عايش في كل العصور
الحاكم العادل يصونك
*
يا وطن ودولة شعب
يا أهل الدواء والطب
مين يشتريك بالذهب
غير أبنك العاشق المحب
*
يا بلد العلم من ذهب
قولي مين كان سبب
جعل العالم في عجب
أندهش من فعل العرب
*
خلاص كان فاكر أنهم
مش فاكرين مجدهم
وممكن يبيعوا أرضهم
الوطن عايش فينا
ف قلب محمد ومينا
دموع الشعب لو نزلت
تروي أرض المدينة
دموع الشعب لو نزلت
تروي الأمة الحزينة
*
تطيب و تداري الوجع
بلد المئة مليون جدع
طول عمرها شايلة الهم
وحدها لا خال ولا عم
مش عايشة وبتقول نفسي
دا مجد العرب مكتوب بإسمي
*
أنا الدولة والعلم
وأنا الأخلاق والقيم
وأنا أم الأمم
*
وأنا الجميع بلا إستثناء
أنا شعب عارف الإنتماء
طول عمري عندي وفاء
م البداية للنهاية
أنا بطل الرواية
أنا مصر العزيزة
أنا أجمل حكاية
*
أنا بيت القصيد
أنا أم الشهيد
وأنا الإبن العنيد
وأنا طفل في يوم العيد
فرحان ولآبس جديد
وأنا اليتيم ومش وحيد
محمد شفيق مرعي
30/11/2018
***********************
***********************
ليست هناك تعليقات:
إرسال تعليق