حصريا لجريدة عزف الأقلام العربية الحبيبة الى قلوب المصريين وكل الوطن العربى
الاول (هو) سيد البيت
الاولى (هي) ده الاتيكيت
قالك مسواة قولناله يا ريت
اصل التفرقة مش طبيعية
هو اقوى من هي
هي اذكى من هو
هو اعظم من هي
هي اجمل من هو
ما تنكريش ان الطاووس اجمل من الطاووسة
ناقص تقوللي ان العريس احسن من العروسة
هو و هي .. هي و هو
هو و هي .. هي و هو
هي و هو بالقلم و المسطرة
حيعملوا اسرة لطيفة صغيرة
لاء اربطيه يا هبلة جنبك بالعيال
ليه ياختي
لاجل الضمان و الهيمنة والسيطرة
ادبحلها القطة في ليلة عرسها
آه جيت ادبح القطة جارالي ما جرى
أقصر طريق الى قلب جوزك معدته
و ادي النتيجة بدون كلام ولا نقورة
هم وهن في حوار ضاحك مشتركين
هم وهن ولا دول سامعين ولا دول سامعين
رايحة الكوافير .. رايح القهوة
رايحة لماما .. رايح ندوة
بتحبني .. ايوة يا ننوسة
طب قد ايه .. قد البسبوسة
ما تحبنيش بالشكل دا
ما بحبكيش بالشكل ده
اهو قاللي مش بيحبني
يا ناس يخلصكوا كده
دي حكاية جديدة يوماتي
من حكياته و حكياتي
ملهاش دعوه اطلاقاً
بالماضي او بالآتي
احنا اولاد دلوقتي
كلمات: صلاح جاهين
الحان: عمار الشريعي وكمال الطويل وشكرا لأستاذنا جابر أحمد سالم
***********************
***********************
ليست هناك تعليقات:
إرسال تعليق