بستان أمل
مزروع ف حاره صغيره
والبيت صغير
فاتح عليه المندره
سكان بسيطه
والحاله معاهم مقصره
لا فيهم غنى أو فقير
ولا حد غاوى منظره
راضيين بحالهم
فيه أمل فى بكره
كل البيوت مطله
على بستان الأمل
دول أهل خير
وأهم شئ هو العمل
وشباب بتسعى وتشقى
ولا صابهم يأس أو ملل
لا فيه تواكل على أهلهم
لو حتى هيشقوا الجبل
لا يبصوا يوم لاصحاب المال
لكن بيحلموا بالڤلل
راميين حمولهم على الله
عنوانهم بستان الأمل
( أسامه جديانه)
***********************
***********************
ليست هناك تعليقات:
إرسال تعليق