ياشمس وأنت بتغربى
أو تهربى
خايفه من ضوء القمر
ولا عاشقه متيمه
وعاشقه ليالى السهر
رايحه تخبى شعاعك
ناويه تسهرى ويا القمر
وتفضفضى وتخرجى
حبك اللى فاتك وهجر
ولا أنت حاسه بالألم
من أفعال البشر
شاهده عليهم ومعاكى نورك
اللى ظلم واللى غدر
كاتمه صوتك ولا بتصرخى
من اللى بيسبوا القدر
م بيشكروش ولا يحمدوا
اللى خلقهم من تراب
لجل م يزرعوا الود
ويكون حصادها أحباب
يبنوا بإيديهم عشهم
والكل قلبه يكون شباب
يتحملوا كبد الشقاء
يفتحوا بينهم ألف باب
حولوا الدنيا بغدرهم
جعلوها دنيا سراب
حروب وسلب ونهب
والضوء أصبح ضباب
صلة الأرحام أتفتت
والحب فى حالة غياب
( أسامه جديانه)
***********************
***********************
ليست هناك تعليقات:
إرسال تعليق