كذاب بقلم .....الشاعر \\ عبد العليم ابو عبده

كداب
------
اللى يقول الكلاب
شبعانه بالعيش
كداب
وبيضحك ع الغلابه والالاديش
وبيعشمهم ف لقمه حاف وخيش
وبيوريهم الدنيا جنه
وبيتمنى يلاقوا مفيش
كداب
وبن كلاب
اللى مخلى العيشه هباب
وهوه بياكل الكباب
وع الغلابه نافش ريش
كداب
وبيلحس التراب
اللى راضى
ف كل الاراضى
الذل يعيش
ويتعشم ف ندل
يديله ربطة فجل
ورغفين عيش
ويقوله املا بطنك
وزيح عطنك
والاكله دى بقشيش
كداب
اللى بيطلع السحاب
وسط شريعة الغاب
ويقول للعلم
الظلم مفيش
ويرضى بالمسخره
ويقلبها دندره
وهوه لاطبله ولاطار
عايش بهيمه وحمار
لاعزيمه ولا اصرار
وبيسمع كلام طراطيش
عن الهنا والمنى
عن الفلوس والغنى
وهوه عرضه تنتنه
وسقف بيته تعاريش
كداب
وابن ستين كلاب
اللى يضيع الشباب
ولاشغله ولامشغله
وهدومه مهلهله
وكل حرامى لابس جلباب
وواكل كباب
ومسيب الاعصاب
ومش مخلى الغلابه تعيش
---------------
الشاعر \\ عبد العليم ابو عبده
كلماتى ومسجله باسمى

***********************

***********************