هدى الخطوه شويه شويه
ياللى جمالك مش معقول
ياللى خطواتك ملاغيه
بتشغل كل العقول
قلبى رفع الرايه البيضه
سلم لجمالك على طول
وعيونى ماشيه متبعاكى
لو أوصفك أيه راح أقول
راح أقول شاغلانى أبتساماتك
وقت الجرح نغم فى آهاتك
وأما أتكلم عن نظراتك
صوتها بيوصل قبل كلامك
والهمسه ويا التنهيده
تحكى عناء كل أوقاتك
والبساتين اللى على خدودك
تظهر لما تزيد ضحكاتك
والدم بيسرى فى وريدك
ويا النغمه اللى ف نبضاتك
القلب الطيب وأخلاقك
حب الناس من إحتراماتك
مش قادر أكمل أوصافك
يمكن أنسى خير صفاتك
( أسامه جديانه)
***********************
***********************
ليست هناك تعليقات:
إرسال تعليق