ظنك,,,,,,,,,بقلم الشاعر أسامة جديانة

ظنك أنى تانى أرجعلك
خاضع لحبك ذليل
ولسه بتحلمى أنى هحبك
وأسهر أعد نجوم الليل
وأنسى غشك وخداعك
ودمع الشوق ع الخد تسيل
وأبات هيمان ف غرامك
وأعشق المغنى والمواويل
وأقول م أقدرش أنساكى
وطول الوقت أترجاكى
وأقول دايب ف هواكى
وماليش ف الكون إلّاكى
وقلبى من غيرك عليل
قلبى داوا الجرح بجرح
حب ولاف على غيرك
رفض أنه يعيش الذل
ويفضل طول عمره أسيرك
مهما شرب كاس المر
ولا أنه يشم عبيرك
                           ( أسامه جديانه)

***********************

***********************