أحنا أتواعدنا ياقمر
ومافيش بينا عقود
والحب علينا أنكتب
كنا بين الورود
القلب قال كلمته
بكل كرم وجود
والنظره تبادل النظره
كانت النجوم شهود
كان ليلك صافى ياقمر
ومافيش بينا سدود
والورد يرقص حوالينا
على نغمة ناى وعود
كتب الربيع حلمنا
وأتخطينا الحدود
كتبها برحيق العطور
كتب لحبنا الخلود
والنسمه سمعت همسنا
باركت وقبلت الخدود
جه الندى قبل الشروق
وشوش كل الورود
دا عقد لازم يتكتب
وتكونوا أنتو الشهود
قلنا الشهود نبضنا
والعقد سارى ف الوريد
ونجوم الليل باركت لنا
والقمر أول الشهود
( أسامه جديانه)
***********************
***********************
ليست هناك تعليقات:
إرسال تعليق