يادوب نظره,,,,,بقلم الشاعر أسامة جديانة

يادوب نظره
لقيتنى سرحت فى عيونها
حسيت بالغربه جواها
سحرتنى بتسبيلها
لقيت جواها كام دمعه
مخبياهم فى الننى
وموجه عاليه ف بحر العين
ومدا إيديها بتاخدنى
وضمتنى ف أحضانها
ولمسة إيد تطمنى
بقيت تايه وقولت أنا فين
قالتلى الكل حاسدنى
ودموعى ناشفه جوايا
حاولت أهرب محاوطنى
قالتلى أنت ف بحر الخوف
ندهتك لجل تنقزنى
دخلت معاها فى دوامه
مسكت ف إيدى م سابتنى
خدتنى بره ع المرسى
لقيت قصر مالوش جدران
قالتلى دا كان سكنى
وياما شفت فى أحزان
عشقت وانشغل بالى
واللى عشقته مالوا أمان
هجرنى وسابنى هنا وحدى
ومن يومها وأنا قصرى بلا جدران
خرجت بره نظرتها
وضميتها بكل حنان
نظرة عنيها شدتنى
وقولتلها أنا ولهان
قالتى مشاعرى سايباها
فى بحر الأحزان
ياريت تبعد بعيد عنى
قلبى مالوش ف الحب مكان
                                 ( أسامه جديانه)

***********************

***********************