قصيدة. (رسالة حبيبه)
..............@@@..........
يافايت كل الوجع بعَدّك وبتسافر
دا حتى البُعد يوم بُعدّك بقى كافر
مافيش ولاحاجه........... بتصبّر
وطعم الحلو جوا.. الحلق متمرر
فملعونه سنين الهجر ويا البُعد
وملعونه الحياة واحنا بعاد عن بعض
فلو كان بعُدك سبب ذبنى تعالى ارجع
وانا اللى هتوب وربك الكريم غافر
يافايت لى الفؤاد جوا الحشا مجروح
هعيش ازاى وانا بعدك جسد بلا روح
ياطير ياللى فى السما طاير...وبتفرفر
ياريت لواعرف زيك اطير ياريت اقدر
وكيف راح اطير وانا فيا الجناح مكسور
ياطيرى اللى هجر عشه سنين وشهور
وفاتنى جريحه من بعُده ومن الايام
تعبت من الفراق وقلبى معاد قادر
كتبت لك رساله وحبرها دموعى
وسن القلم ألمى اللى فى ضلوعى
فلو كانت غربتك وخداك وناسينى
ولوكانت ماهش هماك دموع عينى
ياريت تعرف انا دلوقتى بتقطع
وانا عارفه ان نفسك زيى متقطع
فيعنى بلاها من دى الغربه وايامها
تعالى نعيشوا بالدُقّه ولا تسافر
........
بقلم/ قيصر الكلمات هانى سرور
***********************
***********************
ليست هناك تعليقات:
إرسال تعليق