يغار الليل :
يغار الليل والسمر من يسمع بطاريك
ويلوم همسي والنجم والقمر بالحال
كلها تجتمع علي ووتطلب غلا يباريك
سواد الليل وضي القمر والنجم تنهال
مادروا باللي داخلي ولاغيري شاريك
يامنى عيني ونبض قلبي وراح البال
صبيت فنجاني وأشعلت نار تدفيك
تعال صوب خلن يتيم ويطلب اغلال
دوم العين قبل القلب تطلبك وتحتريك
شبيه غياب الشمس وحلول الليل والهلال
شاورت الحال في همسي قبل لاأجيك
لأجل يساندني بمعاني لك تبيض الفال
تراني أصبحت وأمسيت كلي بواديك
شتلة يابسة تنطر سيل يسقيها ماي زلال
لاتلوم الوصف والحرف مني تراه يغليك
من صحوة عينك وقبل ماترخي الشال
ياللي تشوف تكرار القافية والشبه يوديك
تظن نفس همسة سابقة وهذا ترى محال
بعض الصور تتشابه وتتكرر ولكن ماأخفيك
ريمتي صورة وحدة ومعانيها ترى قلال
أرجع لوصفي والصوت عساه يوصل شريك
العين والقلب ومن نبض قلبه يوصل مرسال
@عزالدين الحميري@
***********************
***********************
ليست هناك تعليقات:
إرسال تعليق