لست مصلحا اجتماعيا او داعيا دينيا انا انسان وجعني قلبي كتبت كلام
.........................الوردي محمد دهيمات...........................
......................كرهت للوان................................
توحشت نوار إيبلو كرهت للوان............ااااه و اااه على أيام زمان
الرجلة طايرة و الهدرة ميزاان.............و أي حاجة موزونة بوزان
الفن لعبو بيه جماعة الرعيان...........و الله منهم راسي مدوخ و عيان
الفنان صبح من بني عريان..............و الفنانة لازم كلش شي فيها يبان
هذو لعباد والفو السبان....................الخير ما يجيك من بني جيعان
الشعب مدوخ في خبركان...................تلقاه يصفق على شواري ذبان
ما راني نخمم ماني إنسان...................و لينا قرودة ملي دخل لبنان
لمرة مسترجلة ومع ليجان..................خوها لبس فيزو تشبه بالنسوان
طلعتلي السخانة وزادني الحمان.............ما ذبحو الخرفان يحوسوها تسمان
يحوسو يهبلوك يخليوك حيران................كل يوم مهبول في التيليفيزيو يبان
يا ريتني طير طاير بلجنحان..................نحلق في سمايا و نغير لمكان
***********************
***********************
ليست هناك تعليقات:
إرسال تعليق