سؤال ====== ٢٠٠٠ سؤال من جوه قلب بيعشقك باين عليه الشوق وتملي بتصده شايف في عينك دمع لما بيسألك إيه اللي وجعك تهرب وبترده ياللي الكلام تعبك والوحده دي مصحباك شايل كتير جواك والقلب مابيده 🔻🔻🔻🔻🔻🔻🔻🔻 سهران في ليل التعب من هم فيك جارح منه اللي كان السبب لكن انت بتسامح لا الكره طبع وفيك ولا حتي غل مليك ربك وعالم بيك مهما تكون سارح واللي ساقاك الهم إضحك ولا تبينش وان كان كلامه سم ربك مابيسيبش ياابو قلب أبيض مـ الحليب والحب ليك مالح دا العشق هو نصيب وأهو جرحك امبارح إرضا بنصيبك مهما كان مكتوب حتي اللي هيحبك اعرفها دي مصالح احمد طلبه
***********************
***********************
ليست هناك تعليقات:
إرسال تعليق