أسامه جديانه

طلبت منى الوصال
بعد سنين الغياب
قلبى لساه ميال
بعد ما عشت العذاب
فاتت أيام غرام
وأتعرفت على شاب
غرها بكتر المال
سافرت من غير وداع
كان عندى ألف سؤال
ليه بتروحى للضياع
عرفتيه يدوب يومين
ولبسلك كام قناع
وقعتى أنتى ف شباكه
وأتبدلت الطباع
ونسيتى أحلامنا
وأخترت الخداع
روحت معاه بلاد بعيده
كان ف جمالك طماع
لا شوفت منه مال
شوفت العذاب أنواع
سجنك جوه مغاره
عشت ف وسط الضباع
لا شوفت معاه حريه
وحياه كلها أوجاع
بيعتينى بالرخيص
وأنا قلبى عمره م باع
جيه وطالبه الوصال
م خلاص الحلم ضاع
ظلمتى قلبى وقلبك
عيشتينى ف صراع
من ورى قلبى رافضك
ولقلبى عمرى م أنصاع
روحى للى أشترتيه
سافرى ومن غير وداع
                      ( أسامه جديانه)

***********************

***********************